بسم الله الرحمن الرحيم
والصلاة والسلام على رسول الله
والصلاة والسلام على رسول الله
" رابونزل وقصص أخرى "
الأخوان جريم
الأخوان جريم
نبذة الكتاب
عقلة الأصبع
سندريلا
ذات الرداء الأحمر
سنوايت والأقزام السبعة
رابونزل
- أغلبنا يعرف القصص دي .. ممكن شاف أفلامها .. ممكن أتحكت ليه وهوه صغير .
لكن مين فينا قرأها من فم مؤلفيها ؟!
- القصص دي وغيرها كثييييير هي مجموعة حكايات شعبية ألمانية .. كانت الجدات والأمهات الالمانيات بتحكيها للأطفال .. كانت مشهورة في ألمانيا فقط لحد ما قرر باحثين في مجال الثقافة الالمانية وهما الأخوين ( جيكوب جريم - وفيلهلم جريم ) قرروا انهم يجمعوا الحكايات دي في كتاب وينشروه . وده كان سنة 1812 .
جمعوا في الكتاب 86 حكاية طريفة للأطفال . ونجح الكتاب جدا وده خلاهم يتابعوا تجميع الحكايات فجمعوا كمان 77 حكاية ونشروها في جزء تاني .
الحكايات كانت ممتعة جدا واشتهرت بطريقة كبيرة وطبعت منها طبعات كثيرة . وكمان تم تزيينها برسومات للأطفال واتجمعت الحكايات كلها في كتاب واحد .
- أغلب النقاد أثنوا علي الحكايات وأسلوب الأخوين جريم الممتع .. لكن كان فيه انتقاد كبير للعنف وكمية الشرور الموجودة في الحكايات .
لك أن تعرف ان مثلا في قصة سنوايت والأقزام السبعة كانت أم سنوايت هيه الشريرة واللي أرادت قتل بنتها أكثر من مرة ... لحد ما تم تغيير القصة علشان تناسب الأطفال وأصبحت زوجة الأب مش الأم .
كمان في بعض الحكايات كان فيه ايحاءات جنسية تم حذفها بالكامل .
- في النهاية قام الأخوين جريم بعمل تنقيح للقصص والحكايات دي .ونشروا كتاب للأطفال بأسلوب سهل بيحتوي علي 50 حكاية .
- أسلوب الحكايات جميل جدا وسهل .ممكن للأطفال يقروها او ممكن تتحكي ليهم زي ما كان بيحصل لينا واحنا صغيرين ... بسي لازم تستحمل بقي أسئلة الأطفال من نوعية :: ماما هوه ازاي الثعلب أكل ذات الرداء الأحمر وبلعها من غير ما تموت ؟!!!
أو ماما : ازاي عقلة الأصبع كان بيتكلم من جوه بطن البقرة ؟. هوه ينفع البقرة تبلعني واتكلم من بطنها ؟!!!
أو ازاي سنوايت بعد ما أكلت من التفاحة المسمومة فضلت وماتت واتحطت في تابوت زجاج فضلت موجوده سنين كثيرة لحد ما الأمير جه وصحاها وبعد كده اتجوزوا ؟!!!
= الحقيقة ان الحكايات دي مش بس للأطفال لكنها هتحرك الطفل اللي جوانا وهتاخدنا عالم تاني خالص هينسينا كثير من الواقع اللي أكيد مش لطيف زي الحكايات دي .
تحميل
تعليقات
إرسال تعليق